Im heutigen Rückblick auf die letzten 10 Jahre bringe ich wieder einen Beitrag aus "Was macht eigentlich.....?"Viel Vergnügen beim "düreläse":

Hallo Frank

Danke, dass Du Dir Zeit nimmst, um ein paar Fragen zu beantworten.

Stell Dich doch kurz mit ein paar Stichworten vor:
I bi 43gi, Vegi, verhüratet (mi Frou het 2 Jungs, 21 u 18), wohne in Murte, ha e 13järegi Boxerhündin, ha sit 6 Jahr es eigets Ingenieurbüro mit Standort Murten und Landquart.

Welches waren deine grössten Erfolge/deine schönsten Erlebnisse auf den Inlineskates?

Die si ender chliner … grad vor es paar Wuche am Gigathlon han i d’Samschtig-Inlinestrecki (33km) i 59:59 gschafft. Denn han i es paar ganz tolli Erinnerige a Engadiner, wo mir es paar vom Team jewils scho es paar Tag vorhär ufe si u cooli Zit hei gha.

Wie oft stehst Du heute noch auf den Inlines? Treibst Du sonst noch Sport? Wenn ja: Welchen?

Villicht 10 mau pro Jahr, dervo meischtens eis, zwöi mau am Gigathlon. Für das längts grad no. :-)

Schüsch bin i viu ufem Rennvelo (ca. 5‘000km im Jahr). No chli ufem Bike u am Schwümme. Öppe mau Squash oder Badminton.

Wie und wann kamst Du zum Inline-Club-Mittelland?

Bi eigentlech bevors dr ICM gä het aktiver gsi. I bi ganz i de Afäng mit em Peter, Kusi u angere go inline. Zerscht mau am 12h-Renne uf dr Piste 16 Flughafe Kloten. Aschliessend si mir immer öppe zäme go trainiere u a d’Renne. 

Was ist der ICM heute für dich? Womit verbindest Du den Verein?

Eigentlech nüm so viu. Ussert das i a irgend welchene Verastutige (wie Gigathlon) bekannti Gsichter gseh.

Was gibst Du dem ICM zum 10-jährigen Jubiläum mit auf den Weg?

Fing i toll was dir i de letschte paar Jahr uf Bei gsteut heit u hoffe, das Inline-Szene nid ganz verschwindet.

Und zu guter Letzt: Wirst Du an der grossen Jubiläumsparty am 1.10.2011, zu welcher alle aktuellen und ehemaligen Mitglieder eingeladen werden, auch mit dabei sein?

Vermuetlech nid. Isch üse Hochzitstag u denn si mir irgendwo ungerwägs am fiire.

Merci für das Interview und d Fotos, wo Du mer mitgschickt hesch! I däm fau wünschi Euch e schöne Hochzitstag.