Im heutigen Rückblick auf die letzten 10 Jahre konnte ich ein Interview mit einem früheren
Mitglied durchführen. Mal schauen, was Sabrina Hubeli heute so macht:

Hallo Sabrina

Danke, dass Du Dir Zeit nimmst, um ein paar Fragen zu beantworten.

Stell Dich doch kurz mit ein paar Stichworten vor:

Be 31i, Vegi, Meersäuli-Bsitzerin, Zofigerin, Marketingfachfrau, Masseurin, Miss DUL-X ond ab Oktober för 2 Mönet z’Neuseeland am Reise. Goh gärn id Bärge, id Länzerheide, id Sauna, go Wellnesse, is Kino, of d’Langlouf-Schii, go Käfele ond Lädele.

Welches waren deine grössten Erfolge auf den Inlineskates?

Vize-Schwiizermeischterin Halbmarathon 1998, 2. Rang Inline One-Eleven 2000, 1. Rang Swiss Ranking 2001

Wie oft stehst Du heute noch auf den Inlines? Treibst Du sonst noch Sport? Wenn ja: Welchen?

Höt stohni leider chuum no of de Skates, vellecht 2-3x pro Johr. Im Sommer machi gärn es Tüürli of em Rennvelo, im Winter zieht‘s mi of d Langlouf-Schii, vor Chorzem hani s‘Yoga entdeckt.

Wie und wann kamst Du zum Inline-Club-Mittelland?

Uii, do magi mi nöm rächt erinnere… Esch secher zo de Afangszyte vom Club gsi ond d‘Region ond d‘Mitglieder wärde usschlaggäbend gsi si :-).

Was ist der ICM heute für dich? Womit verbindest Du den Verein?

Leider hani kei grosse Bezog meh zo de Inline-Szene. Ab ond zue treffi es paar altbekannti ICM-Gsichter am Gigathlon oder söschtige Sportevents (gäu Dinu ;o).
I erinnere mi aber gärn a die luschtige Trainings met em Club zrogg.

Was gibst Du dem ICM zum 10-jährigen Jubiläum mit auf den Weg?

I wönsche em ICM witerhen ganz vöu motivierti, jungi Skaters, wo Fröid a dem schöne Sport hend ond d’Inline-Szende i de Schwiiz net ganz löhnd lo stärbe.

Und zu guter Letzt: Wirst Du an der grossen Jubiläumsparty am 1.10.2011, zu welcher alle aktuellen und ehemaligen Mitglieder eingeladen werden, auch mit dabei sein?

Das weiss i noni…Wahrschiinli beni s Weekend vor minere Neuseeland-Reis anderwiitig beschäftiget :-)

Merci für das Interview und d Fotos, wo Du mer mitgschickt hesch! Und i däm Fau e gueti Zyt in Neuseeland.

Und hie no es paar Fotos:

Finde Sabrina: Und wen kennt Ihr noch?